Yaşadığımız mənzillər

YAŞADIĞIMİZ MƏNZİLLƏR HAQQINDA NƏLƏRİ BİLİRİK?

Son zamanlar  əmlak portallarını incələyərkən maraqlı bir faktla rastlaşmaq olar.Əsasən keçmiş SSRİ dönəmində tikilən binalardakı mənzillərin sahələri  haqqında  elanlarda müəyyən ziddiyyətlər özünü göstərir.Belə ki, vaxt ilə  eyni layihələrlə ( xalq arasında xruşşovka, leninqrad  və ya stalin layihəsi kimi məşhur olan) tikilmiş binalarda eyni sayda otaqları olan mənzillərin sahələri  müxtəlif  rəqəmlərlə göstərilir.  Məsələn,eyni binada 3 otaqlı mənzillərin sahəsi   bir elan sahibi tərəfindən 80 m2,  digəri tərəfindən  90m2, üçüncüsü tərəfindən isə hətta  100 m2  kimi qeyd edilə bilər. Belə hallara  həm əmlak sahibləri, həm də rieltor-vasitəçilər tərəfindən yerləşdirilən elanlarda rast gəlinir. Həmin  müxtəlifliyin  internet istifadəçiləri arasında çaşqınlıq yaratması səbəbilə  www.sumqayitda.az  əmlak portalı  kiçik bir araşdırma apararaq istifadəçilərə təqdim edir.

Sumqayıt şəhərində inşa edilmiş yaşayış  binalarının böyük əksəriyyəti sovetlər dönəmində və əsasən aşağıdakı layihələr əsasında tikilmişdir; “STALİN” layihəli (Əsasən 1-ci,2-ci,3-cü,4-cü və 5-ci məhəllələrdəki binalar) ,”Xruşşov” layihəli (Əsasən məhəllələr və 6-9 cu mikrorayonlar arasında tikilmiş mikrorayonlardakı binalar) , “Kiyev” və Leninqrad” layihəli (əsasən 6 və 9-cu mikrorayonlar da daxil olmaqla şəhərin cənub girişinə kimi olan ərazilərdə tikilən binalar) , ” Daşkənd” ,”Alman” ,” Fransız”  və qismən “Qruzinskiy” kimi tanınan layihələr ( əsasən bəzi mikrorayonlarda tikilən az sayda binalar). Qeyd olunan layihələrin adları  şərti xarakter daşıyır və xalq  arasında  belə  qəbul edildiyindən araşdırmada eyni adlandırmadan istifadə edilmişdir. Xatırladaq ki, keçmiş SSRİ dönəmində “Stalin”,”Alman” layihəli binalar  XX əsrin 40-60-cı, “Xruşov”, ” Fransız” layihəli binalar 60-80- ci, “Leninqrad” və “Kiyev” layihəli  binalar isə 70-80-cı illərində tikilmişdir. Layihələrin bəziləri yenilənərək Ukrayna Respublikası və Rusiya Federasiyasında hələ də tikinti sektorunda uğurla tətbiq edilməkdədir. Məqsəd layihələrin xüsusiyyətləri  deyil, Sumqayıt şəhərində  tikilmiş binalardakı eyni sayda otağı olan  mənzillərin sahələri ilə bağlı rəqəmlərin müxtəlifliyi  olduğundan, araşdırmanın nəticələrini istifadəçilərin  diqqətinə təqdim etməyi  vacib hesab edirik.Araşdırmanın nəticəsi aşağıdakı cədvəldə öz əksini tapmışdır.Ümüd edirik ki, araşdırmamız həm əmlak sahibləri, həm də bu sahədə çalışan rieltor və ya əmlak agentlikləri üçün olduqca faydalı olacaqdır.

Araşdırma www.sumqayitda.az əmlak portalı tərəfindəndən oxuculara təqdim edilir.